ساح دمي في عيونك (؟؟؟)

ياقصيده ما وفيتي لو كتبتك هقوتي
أوزنك هم واعيد واكتبك معنى وخوف

القلم فكري وحبره من عيوني دمعتي
والورق خدي واسمك ينكتب احلى حروف

وقلبي الموقد ونبضه نار تحرق وجنتي
وكفي الفنجان وفراقك تجرعته رشوف

الرموش اسياج عيني تسجنك في شوفتي
والهوى صرخة يتيم ٍ في ضلام ولا يشوف

والحزن اصبح ضلوعي والمواجع كسرتي
والجباير ذكرياتي والعنا حد السيوف

والعشق فرقاه موت ولايداعب صحوتي
والامل قام يتنحى سار مثله في الوصوف

نور وجهك لي حياة وفيك كلك شمعتي
وقلبك البيت الكبير ونبضه اقوى من عطوف

الكواكب كلها عشقك تسير بدنيتي
والفصول الاربعه شوقك تغازلها الكفوف

ضحكتك جنه ..ونارك عطرها من وردتي
والهنا بأنفاس صدرك لاحتوتني يوم اطوف

ودمعتك كومة ضباب ولاتسابق عبرتي
وهمك البركان فيني وانفجر منهو الرؤف

مات قلبي في وصالك وش بقى ياهقوتي
ساح دمي في عيونك مثل ما دمك نزوف

كفنيني في ضلوعك دامك انتي طعنتي
وابقبرك في داخلي وباتحرى للخسوف

منقول